يايلاقتىكى ھايات ئەپسانىلىرى

باھاردىكى تۇمانلىق يايلاق، ساپ ھاۋا، گۈزەل مەنزىرە، كۆپكۈك ئاسمان، كەچكى شەپەقنىڭ نۇرىغا چۆمگەن جەلپكار ۋۇمىڭ يايلىقىدىكى ئىككى كۈنلۈك مۇزىكا بايرىمىدا ھايات ئەپسانىسى مۇزىكا ئەترىتىنىڭ مىللەت ھالقىغان جەزبىدار مۇزىكا ساداسى پەلەكنى لەرزىگە كەلتۈردى. ئاسمان، زېمىن، ھەتتا يايلاق ۋە كائىناتتىكى بارچە مەۋجۇدات بۇ ساداغا جۆر بولدى.

بۇ قېتىملىق ۋۇمىڭ يايلىقى مۇزىكا بايرىمىغا قاتنىشىش بولسا ھايات ئەپسانىسى مۇزىكا ئەترىتىنىڭ تۇنجى قېتىم دۆلەت دەرىجىلىك مەرىكىدە نۇمۇر ئورۇنلىشى بولۇپ ھېسابلىنىدۇ. ھايات ئەپسانىلىرى مۇزىكا ئەترىتىنىڭ ئۆزىگە خاس ئۇسلۇبى ناھايىتى تېزلا نەق مەيداندىكى جاي- جايلاردىن كەلگەن مۇزىكا مەستانىلىرىنى ئۆزىگە رام قىلىۋالدى. نەق مەيداندىكى تاماشىبىنلار «يايلاق خەلقى سىلەرنى قوللايدۇ» دەپ توۋلاشتى. تۇۋالارنىڭ ئات باشلىق غېجىكى، خۇمرا ۋە ۋيېتنامنىڭ خەلق مۇزىكىسى ياڭرىغاندا، ساياھەتچىلەر روھىي جەھەتتىن شەرقىي جەنۇبىي ئاسىيا مىللەتلىرى بىلەن شىمالىي ئاسىيا مىللەتلىرىنىڭ يايلاقتىكى ھېسىيات ئالماشتۇرۇشىنى ھەقىقىي ھېس قىلدى. مانا بۇ دەل «ھايات ئەپسانىلىرى مۇزىكىلىرىنىڭ سېھرىي كۈچىدۇر. بۇلارنىڭ كۈيىدە سىز ئىستىگەن ھەم ئىتىلگەن مەدەنىيەتلەر جەملەنگەن. 6

ئەندى لىگىل چالماقتا

ئەندى تۇۋاچە ناخشا ئورۇنلىماقتا

پەيزۇللا باس چېلىۋاتىدۇ

جان گۇيەن ۋېيتنامچە ناخشا ئېيتماقتا

ئەندى باۋۇر غېجىكى چېلىۋاتىدۇ

ناخشىچى ياسىن نۇمۇر ئورۇنلىماقتا

بىپايان ۋۇمىڭ يايلىقىدا، ھايات ئەپسانىلىرى مۇزىكا ئەترىتى ئۆزگىچە ئۇسلۇبى بىلەن گۈزەل كۈيلەرنى ئورۇنلاپ، باشتىن – ئاخىر تاماشىبىنلارنى ئۆزىگە قاتتىق جەلپ قىلدى. ھايات ئەپسانىلىرى ئەترىتىنىڭ بۇ مۇزىكىلىرى يايلاقتىكى ھەربىر ساياھەتچىنىڭ قەلبىگە يېڭى بىر سەھىپىلەرنى يازدى. نەق مەيداندا تېخىمۇ كۈچلۈك تەسىراتلارغا ئىگە بولسىز. ئۈستىدىكى كۆرۈنۈشتىن ئۇلارنىڭ ۋۇمىڭ يايلىقىدا ئورۇنلىغان گۈزەل ماھارەتلىرىنى كۆرۈپ ھوزۇرلانغايسىزلەر